د طالبانو د بهرنیو چارو وزارت وايي، د ۱۴۰۵ هجري شمسي کال د زمري له لومړۍ نېټې به د ولایتونو او ۱۰ ولسوالیو ترمنځ د مصدقو سندونو د تصدیق خدمات پیل شي.
دغه وزارت نن (یکشنبه) په یوه خبرپاڼه کې ویلي، دا خدمات به د کندهار د سپین بولدک، د هلمند
د ګرشک، د غزني د جاغوري، د پکتیا د څمکنۍ، د کابل د سروبي او قرهباغ، د ننګرهار
د مهمندرې (تورخم)، د کندز د امام صاحب، د بلخ د کلدارې (حیرتان) او د هرات د شینډنډ
ولسوالیو کې وړاندې شي.
د خبرپاڼې له مخې، دغه پروسه د قونسلي خدمتونو د اسانتیا په موخه د افغان
پوسټ دولتي شرکت له لوري پر مخ وړل کېږي.
د دې پروسې له لارې به اړوند اسناد د تصدیق لپاره ولایتونو یا د
طالبانو د بهرنیو چارو وزارت ته لېږل کېږي او تر تصدیق وروسته به بېرته د افغان
پوسټ له لارې غوښتونکو ته سپارل کېږي.
