په بدخشان کې د طالبانو د امنیې قومندانۍ ویاند احسانالله کامګار وايي، د دغه ولایت د اطلاعاتو او کلتور د رئیس ذبیحالله امیري د وژنې په تړاو هغه شکمن کس نیول شوی، چې د برید وروسته تښتېدلی و.
کامګار ویلي، ذبیحالله امیري نن (سېشنبه، د زمري ۶مه) سهار د فیضاباد
– بهارک ولسوالۍ پر لویه لاره د کار پر لور د تګ پر مهال د موټرسایکل سپرو
ناپېژاندو وسلهوالو له لوري په ډزو ووژل شو.
د نوموړي په وینا، د برید له ترسره کېدو وروسته د امیري ساتونکو له
بریدګرو څخه یو کس وژلی و، خو بل شکمن کس له سیمې تښتېدلی و، چې تازه نیول شوی دی.
د طالبانو امنیتي چارواکو ویلي، د پېښې د څرنګوالي، انګېزې او د
احتمالي نورو ښکېلو کسانو د معلومولو لپاره څېړنې روانې دي.
د بدخشان د اطلاعاتو او کلتور رئیس ذبیحالله امیري د سېشنبې په سهار
په یوه وسلهوال برید کې ووژل شو. تر اوسه هېڅ ډلې د برید مسوولیت نه دی منلی او د
برید اصلي انګېزه هم لا نه ده روښانه شوې.
