د طالبانو د ننګرهار امنیې قومندانۍ وايي، د دغه ولایت د مرکز جلالاباد ښار د سره دېوال په سیمه کې د یوې ناچاودې مرمۍ د چاودنې له امله یو ماشوم وژل شوی او بل ټپي شوی دی.
د سرچینې په وینا، پېښه هغه مهال رامنځته شوه چې د بختیار په نوم ۱۱
کلن ماشوم د څارویو د څرولو پر مهال یوه ناچاوده مرمۍ وموندله او پرې یې لاس
وواهه، چې ورپسې چاودنه وشوه.
طالبانو ویلي، ټپي شوی ماشوم د درملنې لپاره روغتون ته لېږدول شوی او
روغتیايي وضعیت یې د ډاډ وړ دی.
په افغانستان کې د تېرو جګړو له امله لا هم په ګڼو سیمو کې ناچاوده
مرمۍ او نور چاودېدونکي توکي پاتې دي. هر کال د دغو توکو د چاودنو له امله لسګونه
ملکي وګړي، په ځانګړي ډول ماشومان، وژل کېږي او یا هم ټپیانېږي.
