د لوګر ولایت په مرکز پل علم ښار کې د یوې ترافیکي پېښې له امله دوه کسان وژل شوي او پنځه نور ټپیان شوي دي.
په لوګر کې د طالبانو امنیه قوماندانۍ ویلي، دغه پېښه چهارشنبه، د چنګاښ
په ۳۰مه، د پل علم ښار د سید حبیبالله کلا په سیمه کې د یوې کرولا موټر او رکشې د
ټکر له امله رامنځته شوې ده.
د امنیه قوماندانۍ په وینا، د پېښې لامل بېاحتیاطي بلل شوې ده.
سرچینې زیاته کړې، ټپیان د درملنې لپاره د کنجک روغتون ته لېږدول شوي
دي.
په افغانستان کې ترافیکي پېښې د مرګژوبلې له مهمو لاملونو څخه بلل
کېږي. د ترافیکي پېښو ډېری لاملونه د موټر چلوونکو بېاحتیاطي، د ترافیکي اصولو نه
مراعتول، د سړکونو خراب وضعیت او د موټرو تخنیکي ستونزې یادېږي.
