د اعلامیې له مخې، بریدګرو له یوه بېپیلوټه الوتکې چې په نارنجک سمبال وه او همدارنګه له اتومات وسلو کار اخیستی، چې په پایله کې یې د دغه شرکت درې چینايي کارکوونکي وژل شوي دي.
تاجیکستان د پولې په اوږدو کې د ناامنۍ له دوامه اندېښنه څرګنده کړې او ټینګار یې کړی چې سره له دې چې دا هېواد په دوامداره توګه د ګډو پولو د ثبات لپاره هڅه کوي؛ خو «په افغانستان کې مېشتو جنایي ډلو اخلالګر اقدامات» لا هم دوام لري.
د تاجیکستان د بهرنیو چارو وزارت دا برید «په کلکه» غندلی او له طالبانو یې غوښتي چې د پولې د امنیت او ثبات د تامین لپاره «اغېزمن او بیړني اقدامات» وکړي.
